Ўзбекистон ўсмирлар терма жамоасининг Осиё чемпионати—2016 саралашига борадиган таркиби маълум бўлди

Темур Олимхўжаев бошчилик қилаётган Ўзбекистон ўсмирлар терма жамоасининг Фаластинда ўтказиладиган Осиё чемпионати—2016 саралашида қатнашадиган таркиби маълум бўлди. Бу ҳақда Ўзбекистон футбол федерацияси матбуот хизмати хабар бермоқда.

Эслатиб ўтамиз, Ўзбекистон ўсмирлар терма жамоаси қуръа натижасига кўра, «А» гуруҳидан ўрин олган. Ушбу гуруҳда, шунингдек, Фаластин, Мальдив ҳамда Яман жамоалари ҳам бор.

Ўзбекистон ўсмирлар терма жамоасининг ўйинлари тақвими қуйидагича:

16.09.2015. Ўзбекистон – Мальдив

18.09.2015. Фаластин – Ўзбекистон

20.09.2015. Ўзбекистон – Яман

Олимхўжаев бошчилигидаги жамоа айни вақтда Тошкентда мусобақа олдидан сўнгги йиғинини ўтказмоқда. 14 сентябрь куни Ўзбекистон ўсмирлар терма жамоаси делегацияси Фаластинга йўл олади.

Қуйида ушбу саралаш турнирига борадиган футболчилар рўйхатини келтириб ўтамиз.

Дарвозабонлар: Жасурбек Умрзоқов («Бунёдкор»), Ҳожиакбар Жўраев («Пахтакор»), Абдувоҳид Неъматов («Насаф»).

Ҳимоячилар: Шохзамон Хайруллаев («Пахтакор»), Абубакир Мўйдинов («Бунёдкор»), Иброҳим Турғунбоев («Пахтакор»), Муҳаммадали Намозов («Пахтакор»), Ихтиёр Холдоров («Бунёдкор»), Нурсултон Куйлибоев («Пахтакор»), Ислом Каримов («Бунёдкор»), Мардон Абдуллаев («Бунёдкор»).

Ярим ҳимоячилар: Далер Мирзахўжаев («Пахтакор»), Асадбек Собиржонов («Пахтакор»), Остон Ўрунов («Пахтакор»), Расул Йўлдошев («Бунёдкор»), Баҳромжон Соатов («Пахтакор»), Хумоюн Абдусатторов («Бунёдкор»), Абдуғани Камолов («Бунёдкор»), Бурхон Хасанов (РОЗК).

Ҳужумчилар: Абдулхай Исмоилов («Бунёдкор»), Абдунозир Абдураҳмонов («Бунёдкор»), Иброҳим Ғанихонов («Пахтакор»), Шуҳрат Неъматов («Бунёдкор»).