Tailandning Pxuket shahrida og‘ir atletika bo‘yicha kattalar o‘rtasida o‘tkazilgan Osiyo chempionati yakunlandi. Bu galgi qit’a chempionatida 29 davlatdan jami 162 nafar sportchi (106 nafar erkak – 56 nafar ayollar) g‘oliblik uchun kurash olib bordi. Bu haqda O‘zbekiston Milliy olimpiya qo‘mitasi matbuot xizmati xabar bermoqda.
Ushbu Osiyo chempionatida O‘zbekiston terma jamoasi tarkibidan Muattar Nabiyeva (-58 kg), Go‘zal Naimova (-69 kg), Omadoy Otaqo‘ziyeva (-75 kg), Avez Idiyev (-105 kg), Ivan Yefremov (+105 kg) va Rustam Jangabayev (+105 kg) o‘rin egallashdi.
O‘zbekiston hisobiga yagona oltin medalni Ivan Yefremov keltirdi. Tajribali sportchi dast ko‘tarishda 193 kg natijani qayd etib, oltin medalga sazovor bo‘ldi. Siltab ko‘tarishda 220 kg toshni o‘ziga bo‘ysindirgan Ivan Yefremov bronza medalini qo‘lga kiritib, ikkikurash yakunlariga ko‘ra uchinchi o‘rinni band etdi. Yana ikkita bronza medalga Omadoy Otaqo‘ziyeva siltab ko‘tarishda 117 kg natija bilan (ikkikurash yakuniga ko‘ra 4-o‘rin) hamda Avez Idiyev siltab ko‘tarishda 193 kg ko‘rsatkich bilan (ikkikurash yakuniga ko‘ra 5-o‘rin) sazovor bo‘ldi.
Shu tariqa, O‘zbekiston terma jamoasi Osiyo chempionatida 1 ta oltin va 4 ta bronza medalini qo‘lga kiritdi.
Izoh (0)