“O‘zbekiston havo yo‘llari” milliy aviakompaniyasi Yevropa Ittifoqi mamlakatlarida parvozlarni amalga oshirish uchun Yevropa aviatsiya xavfsizligi agentligi (EASA) ruxsatnomasini oldi. Bu haqda “Review.uz” xabar bermoqda.
2014-yil 26-mayidan e’tiboran Yevropa Ittifoqining ittifoq mamlakatlari aeroportlariga parvozlarni amalga oshirayotgan aviatashuvchilarni avtorizatsiya qilish va havo kemalarining xavfsizligi monitoringini tashkil etish bo‘yicha yangi reglamenti kuchga kirgani munosabati bilan mazkur ruxsatnomani olish zarurati tug‘ilgan edi.
“Qayd etish joiz, “O‘zbekiston havo yo‘llari” ruxsatnomani EASA tomonidan birorta e’tirozsiz oldi. Bu esa aviakompaniyaning xalqaro aviabozorda ishonchli va xavfsiz aviatashuvchi maqomini yana bir bor tasdiqladi”, — deyiladi milliy aviakompaniya bayonotida.
Izoh (0)