Bugun,

  • USD 11095.31
  • RUB 173.84
  • EUR 10772.44

Janubiy Koreya va KXDR ajralib qolgan oilalarning uchrashuviga tayyorgarlik ko‘rish bo‘yicha dastlabki muzokaralarni 7-sentabr kuni o‘tkazishga kelishib oldi. “RIA Novosti” xabariga ko‘ra, muzokaralar sanasi avvalroq Janubiy Koreya tomonidan taklif qilingan va KXDR bunga rozi bo‘lgan.

Foto: RIA Novosti

Foto: RIA Novosti

Tayyorgarlik uchrashuvlari KXDR va Janubiy Koreyaning Qizil Xoch tashkilotlari ishtirokida bo‘lib o‘tadi.

1950—53-yillardagi Koreya urushi sabab ajralib qolgan oilalarning uchrashuvlari 1980-yillardan boshlab o‘tkazib kelinadi. Keyinchalik KXDRdagi Kimgansan kurortida bunday uchrashuvlar uchun Janubiy Koreya ko‘magida mehmonxona ham qurilgan.

Avvalroq, ikki mamlakat chegarasidagi qurolsizlantirilgan hududdagi qarama-qarshilikni tartibga solish bo‘yicha uchrashuvda tomonlar munosabatlarni yaxshilash ustida ishlash va ajralib qolgan oilalarning uchrashuvlarini qayta tashkil etish bo‘yicha kelishib olgandi.

Dastlabki taxminlarga ko‘ra, ajralib qolgan oilalarning uchrashuvi 2015-yilning 27-sentabr kuni o‘tkaziladi. Rasmiy ma’lumotlarga ko‘ra, birgina Janubiy Koreyaga KXDRdagi qarindoshlari bilan ko‘rishish istagida bo‘lgan 100 ming kishi bor. Shimolda ham taxminan shuncha odam Janubiy koreyaliklar bilan uchrashish niyatida.

Izoh
Asosiy yangiliklar
Mahalliy
Toshkentda IIB xodimi xizmat vazifasini bajarayotgan vaqtida o‘ldirib ketildi
Madaniyat
Bir-biriga mutlaqo qarama-qarshi rollarni o‘ynab, tomoshabinlarni ishontira olgan aktyor va aktrisalar (foto)
Dunyo
“KamAZ”da harbiylarni bosib ketgan: Qozog‘istonda yanvar voqealari ishtirokchisi 17 yilga qamaldi (video)