“Toshkent” vokzali va Toshkent Moliya instituti huzuridagi akademik litsey oralig‘ida 1-avgustdan e’tiboran 137-yo‘nalishda avtobus qatnay boshladi. Bu haqda, “Toshshahartransxizmat” kompaniyasiga asoslanib, “Gazeta.uz” xabar bermoqda.
Avvalroq 13-tramvay yo‘nalishining TTZdan “Toshkent” vokzaliga qadar davom etadigan va qisqartirilgan qismi o‘rnida yangi — 14-yo‘nalishda avtobuslar qatnay boshlagani haqida xabar berilgan edi.
“Yugnakiy dahasi — Markaziy univermag” oralig‘i bo‘ylab qatnaydigan 1-avtobus yo‘nalishi qisqartirilgan va endi “Yugnakiy” dahasidan “Mashinasozlar” metro bekatiga qadar harakatlanmoqda.
96-yo‘nalishdagi avtobus harakat chizmasi (“Yunusobod-9 — Istiqlol ko‘chasi”) o‘zgarishsiz qolgan. Mirzo Ulug‘bek shohko‘chasi bo‘ylab tramvay izlarini olib tashlash bo‘yicha ishlar olib borilayotgani sabab, bir qator avtobuslar o‘z yo‘nalishini vaqtincha o‘zgartirgan.
Izoh (0)