2014-yilda iqtisodiyot tarmoqlarini modernizatsiyalash bo‘yicha investitsiya loyihalariga 8,5 trln so‘m kredit ajratildi

Joriy yilning 30-iyul kuni O‘zbekiston Respublikasi Oliy Majlisi Senatining Byudjet va iqtisodiy islohotlar masalalari qo‘mitasining majlisida O‘zbekiston Respublikasi Markaziy banki boshqaruvi raisi F.Mullajonovning O‘zbekiston Respublikasi Markaziy bankining 2014-yildagi faoliyati to‘g‘risidagi hisoboti dastlabki tarzda ko‘rib chiqildi. Bu haqda Senat matbuot xizmati xabar bermoqda.

Iqtisodiyot tarmoqlarini modernizatsiyalash, texnik va texnologik qayta jihozlash bo‘yicha investitsiya loyihalarini amalga oshirish uchun bank investitsiyalarini kengaytirishga alohida e’tibor qaratildi. Jumladan, 2014-yilda tijorat banklari tomonidan bunday loyihalarga summasi 8,5 trillion so‘mlik kreditlar ajratildi, bu esa 2013-yil bilan taqqoslaganda 20 foizga ko‘proqdir.

2014-yilda xo‘jalik yurituvchi subyektlar va aholi depozitlarining o‘sishi 30,5 foizni tashkil etdi hamda 2015-yilning 1-yanvar holatiga ko‘ra ularning hajmi 28,5 trillion so‘mga yetdi.

Majlisda ko‘rib chiqilgan masala yuzasidan tegishli qaror qabul qilindi.