Сербия бош вазири Александр Вучич Босниянинг Сребреница шаҳрида ўзига уюштирилган ҳужумга изоҳ берди. Бу ҳақда «Новая газета» хабар бермоқда.
Александр Вучич 1995 йилда ҳалок бўлган саккиз минг мусулмонни хотирлаш мақсадида Сребреницага ташриф буюрганди. Мазкур оммавий қирғин серблар томонидан амалга оширилган.
Поточари хотира ёдгорлигига гуллар қўйганидан сўнг, Вучич ҳужумга учради: номаълум шахслар унга қарата тош ва шиша идишларни улоқтирди.
1995 йил 11 июль куни Сребреницада мусулмонлар оммавий равишда қирғин қилинган. Расмий Белград мазкур жиноятни инкор этмайди, бироқ бу ҳаракат «сербларнинг оммавий қирғин қилинишига жавобан амалга оширилган» деб ҳисоблайди.
8 июль куни БМТ Хавфсизлик кенгаши Сребреницадаги қирғинни геноцид деб баҳолашни таклиф қилди, бироқ тегишли резолюцияга Россия вето қўйди.
Изоҳ (0)