Samvel Babayan milliy terma jamoa yig‘iniga 24 futbolchini taklif qildi

Futbol bo‘yicha O‘zbekiston milliy terma jamoasi 19—26-iyul kunlari Toshkentda o‘quv-mashg‘ulot yig‘inini o‘tkazadi. Bu haqda O‘zbekiston Futbol Federatsiyasi matbuot xizmati xabar bermoqda.

Milliy terma jamoa bosh murabbiyi Samvel Babayan mazkur yig‘inga Oliy Liga klublarida to‘p suruvchi milliy terma jamoa a’zolari va unga nomzod bo‘lgan 24 nafar futbolchini taklif qildi.

Tarkibdan, jumladan, quyidagi futbolchilar o‘rin olgan:

darvozabonlar — Akbar To‘rayev (“Bunyodkor”), Eldorbek Suyunov (“Nasaf”), Aleksandr Lobanov (“Paxtakor”);

himoyachilar — Yegor Krimes (“Paxtakor”), Sherzod A’zamov (“Nasaf”), Islom To‘xtaxo‘jayev (“Lokomotiv”), Shuhrat Muhammadiyev (“Nasaf”), Davron Hoshimov (“Paxtakor”), Farrux Sayfiyev (“Nasaf”), Aleksandr Merzlyakov (“Paxtakor”), Odil Hamrobekov (“Nasaf”);

yarim himoyachilar — Shohruh Gadoyev (“Nasaf”), Javohir Sohibov (“Paxtakor”), Vladimir Kozak (“Paxtakor”), Sherzod Karimov (“Paxtakor”), Doston Hamdamov (“Bunyodkor”), Jasur Hasanov (“Lokomotiv”), Stanislav Andreyev (“Paxtakor”), Jamshid Iskanderov (“Paxtakor”);

hujumchilar — Eldor Shomurodov (“Bunyodkor”), Bahriddin Vahobov (“Qizilqum”), Temurxo‘ja Abduxoliqov (“Lokomotiv”), Ilhom Shomurodov (“Nasaf”), Igor Sergeyev (“Paxtakor”).

Samvel Babayanning bosh murabbiy sifatidagi ilk rasmiy uchrashuvi, hozircha, 3-sentyabr kuni JCH-2018 saralashi doirasidagi Yamanga qarshi o‘yin bo‘lishi kutilmoqda.

Ma’lumot uchun, O‘zbekiston terma jamoasi Jahon va Osiyo chempionati saralash bahslarini 16-iyunda Shimoliy Koreyaga qarshi 2:4 hisobidagi mag‘lubiyat bilan boshlagan. Bugungi kun holatiga ko‘ra “H” saralash guruhida ikkita o‘yinda 6 ochko jamg‘argan Shimoliy Koreya va Filippin terma jamoalari peshqadamlik qilmoqda.