2015-yil 30-iyundan 1-iyulga o‘tar kechasi butunjahon vaqtini quyosh vaqti bilan to‘g‘rilash maqsadida qo‘shilgan 1 soniya ko‘plab internet xizmatlari vaqtincha ishdan chiqishiga olib keldi, deb xabar bermoqda Wired.
1-iyulga o‘tar kechasi Twitter xabarlarni kechagi kunda chop etilgan sifatida ko‘rsata boshlagan. Ba’zi foydalanuvchilar esa Android tizimidagi qurilmalar yarim tundan bir necha soat oldin 1-iyulni “e’lon qilib” yuborgan va xo‘jayinlariga shu kun uchun belgilangan ishlarni eslata boshlagan. Instagram va Amazon ham ishlamay qolgan, ularning faoliyati 40 daqiqa ichida tiklangan.
Kichikroq kompaniyalarga “bulutli” xizmatlarni taklif etuvchi Amazon Web Services ham ishlamay qolgan. Apple tomonidan 30-iyun kuni iOS 8.4 operatsion tizimi bilan birgalikda chiqarilgan Beats radiostansiyasi ishlamay qolgach, uning faoliyati ham 40 daqiqa ichida qayta tiklangan.
Izoh (0)