Xalqaro kosmik stansiya ekipaji Dragon yuk kemasi ortilgan Falcon 9 raketasi uchirilish vaqtida halokatga uchragani haqidagi xabarni hech qanday tushkunliksiz qabul qildi, deya xabar bermoqda Interfax Rossiya Parvozlarni boshqarish markaziga tayanib.
“Kosmonavtlar va astronavtlar hodisa haqida xabardor qilindi. Ularning kayfiyati ishbop””, — dedi agentlik hamsuhbati.
Uning aytishicha, stansiyada yetarli miqdorda oziq-ovqat, suv va kislorod zaxiralari bor. Suv va kislorod stansiyada maxsus uskuna yordamida ajratiladi. Oziq-ovqat esa bir necha oyga yetishi mumkin.
Eslatib o‘tamiz, SpaceX xususiy kosmik kompaniyasining Falcon 9 eltuvchi raketasi Kanaveral burnidagi kosmodromdan uchirilgach, ko‘p o‘tmasdan portlab ketgan edi. Raketa Xalqaro kosmik stansiyaga kosmonavtlar uchun ikki tonna yuk ortilgan Dragon kosmik kemasini yetkazib berishi kerak edi.
Izoh (0)