Америка кубоги—2015. Бразилия чорак финалда ўз иштирокини якунлади

Чилида ўтаётган Америка кубоги мусобақаларининг чорак финал беллашувлари якунланди, деб хабар беради «Uff.uz».

Бу босқичга бугун бўлиб ўтган Бразилия ва Парагвай терма жамоалари ўртасидаги баҳс якун ясади. Учрашувда омад Парагвай термасига кулиб боқди.

Ўйинда ҳисобни дастлаб, 15-дақиқада Робиньо очган эди. Бироқ иккинчи бўлимда Гонсалес пенальтидан мувозанатни тиклади. Асосий бўлим ана шу ҳисобда ниҳоясига етди.

Пенальтилар сериясида Парагвай термаси аниқроқ ҳаракат қилди ва ярим финал йўлланмасини қўлга киритди.

Ярим финалда Парагвай термаси Аргентина билан, Чили эса Перу билан куч синашади.

Америка кубоги, 1/4 финал

Бразилия – Парагвай 1:1 (1:0, 0:1, 0:0, 0:0), пенальти - 3:4Голлар: 1:0 – 15 Робиньо, 1:1 – 72, пенальти Гонсалес.Бразилия – Жефферсон, Дани Алвес, Миранда, Тиаго Силва, Филипе Луис, Фирмино (Тарделли, 69), Виллиан (Дуглас Коста, 60), Коутиньо, Фернандиньо, Элиас, Робиньо (Эвертон Рибейро, 87).Парагвай – Вильяр, Пирис, Агиляр, да Сильва, Вальдес, Аранда (Мартинес, 77), Касерес, Гонсалес, Бенитес (Ромеро, 84), Санта Крус, Вальдес (Бобадилья, 74).Огоҳлантиришлар: Вальдес (25), Агиляр (38), Дани Алвес (50), Коутиньо (76), Мартинес (81).