Bugun, 26-iyun kuni xonanda Nilufar Usmonovaning “Maktab” qo‘shig‘iga ishlangan klipining premyerasi nufuzli Vevo internet-resursida bo‘lib o‘tdi va Instagram ijtimoiy tarmog‘ida o‘tkazilgan #M2015 tanlovining yakunlari ham bugun e’lon qilinadi.
https://www.youtube.com/watch?v=x57cvngmNSw
Qo‘shiqning musiqasi Kyamran Silence, matni esa Yakzon tomonidan yozilgan. Maroon 5’ning Sugar qo‘shig‘i klipini to‘ylarda olganidan ilhomlanib, Nilufar Usmonovaning ijodiy guruhi 25-may kuni Toshkentdagi 145 va 96-sonli maktablarga hamda Uspenskiy nomidagi musiqa maktabidagi tantanalarga tashrif buyurdi. Klip rejissyori Great Wall Media kompaniyasi asoschisi Yassaviy bo‘ldi.
Qayd etilishicha, bugun “Maktab” klipi premyerasiga bag‘ishlangan tanlov yakunlari ham chiqariladi. Tanlov shartlariga binoan, #M2015 #bolilam xeshtegi ma’nosini topib, uni #M2015 xeshtegi bilan yozish kerak edi. 29-iyun kuni g‘oliblarni tantanali taqdirlash marosimi o‘tkaziladi. G‘oliblarga Nilufar Usmonova dastxati tushirilgan futbolkalar topshiriladi.
Izoh (0)