Бугун, 26 июнь куни хонанда Нилуфар Усмонованинг «Мактаб» қўшиғига ишланган клипининг премьераси нуфузли Vevo интернет-ресурсида бўлиб ўтди ва Instagram ижтимоий тармоғида ўтказилган #M2015 танловининг якунлари ҳам бугун эълон қилинади.
https://www.youtube.com/watch?v=x57cvngmNSw
Қўшиқнинг мусиқаси Kyamran Silence, матни эса Yakzon томонидан ёзилган. Maroon 5’нинг Sugar қўшиғи клипини тўйларда олганидан илҳомланиб, Нилуфар Усмонованинг ижодий гуруҳи 25 май куни Тошкентдаги 145 ва 96-сонли мактабларга ҳамда Успенский номидаги мусиқа мактабидаги тантаналaрга ташриф буюрди. Клип режиссёри Great Wall Media компанияси асосчиси Yassaviy бўлди.
Қайд этилишича, бугун «Мактаб» клипи премьерасига бағишланган танлов якунлари ҳам чиқарилади. Танлов шартларига биноан, #M2015 #bolilam хештеги маъносини топиб, уни #M2015 хештеги билан ёзиш керак эди. 29 июнь куни ғолибларни тантанали тақдирлаш маросими ўтказилади. Ғолибларга Нилуфар Усмонова дастхати туширилган футболкалар топширилади.
Изоҳ (0)