“Aeroflot”, aviakompaniyaning sobiq bosh direktori Boris Berezovskiyning vorislaridan 110 million dollarni undirib olishni mo‘ljallamoqda, deb xabar beradi “Meduza”.
Rossiya bosh prokuraturasi Berezovskiyning 110 million dollar atrofidagi aktivlarini hibsga olgan. Aviakompaniyaning hozirgi bosh direktori Vitaliy Savelyevning so‘zlariga ko‘ra, “Aeroflot” bu aktivlarga da’vo qilmoqchi.
Berezovskiy hayotligida “Aeroflot” amaldordan 57 million dollarni sud orqali undirib olgandi.
2007-yilda sud Berezovskiyni aviakompaniyadan 215 million rublni o‘g‘irlashda ayblab, sirtdan 6 yilga ozodlikdan mahrum qilgandi. “Aeroflot” kompaniyaga yetkazilgan 720 million rubllik zararni ham qoplashni talab qilib chiqqandi.
Boris Berezovskiy 2013-yil 23-martda Buyuk Britaniyada o‘z joniga qasd qilgan. Huquqshunoslarning hisob-kitobiga ko‘ra, Berezovskiyning qarzlari uning o‘limi vaqtida 309 million funt (taxminan 483 million dollar)ni tashkil etgan.
Izoh (0)