Davlat dumasi deputati Mixail Degtyarev Rossiya Bosh prokuraturasidan “Jamoatchilik nazorati” iste’molchilar huquqlarini himoya qilish jamiyati (IHHJ) tomonidan Qrimga ketayotgan sayyohlar uchun e’lon qilingan eslatmalar yuzasidan tekshirish o‘tkazishni so‘radi, deya xabar bermoqda Meduza.
18-iyun kuni IHHJ saytiga joylangan eslatmada xususan, Qrim va Sevastopol bosib olingan hudud maqomiga ega ekanligi va u yerga borish uchun Ukraina hukumatidan ruxsat olish kerakligi aytiladi. Bundan tashqari, IHHJ yarimorol hududida ko‘chmas mulkni oldi-sotdi qilmaslikni tavsiya etgan.
Degtyarev fikricha, IHHJning bayonoti “nafaqat qator sayyohlik tashkilotlariga, balki mamlakat milliy xavfsizligiga ham bevosita qasddan ziyon yetkazdi”.
Izoh (0)