Jaguar Land Rover kompaniyasi mobil telefon orqali masofadan turib boshqarsa bo‘ladigan Range Rover Sport prototipini namoyish etdi. Birmingham Post nashri xabariga ko‘ra, maxsus ilova-dastur avtomobil g‘ildiraklarini burish, oldinga va orqaga harakatlantirish imkonini beradi.
Ilova-dastur interfeysi o‘yinga o‘xshasa-da, eng murakkab vaziyatlarda haqiqiy avtomobilni boshqarish imkonini beradi. Ishlab chiqaruvchi kompaniya taxminicha, mazkur yo‘l og‘ir yo‘l sharoitlarida va avtomobilni avtoturargohga qo‘yishda ayniqsa qo‘l keladi.
Ilova-dastur ishlashi uchun avtomobil va telefon oralig‘idagi masofa 10 metrdan oshmasligi kerak. Foydalanuvchi ishchi doiradan tashqariga chiqsa, avtomobil to‘xtab qoladi. Shuningdek, tashqarida turgan haydovchi avtomobilga juda yaqin kelsa ham ilova-dastur ishdan to‘xtaydi. Har ikkala cheklov ham xavfsizlik nuqtai nazaridan joriy etilgan.
Ma’lumot uchun, avtoturargohda aqlli to‘xtashning birinchi tizimi 2011-yili Audi kompaniyasi tomonidan taqdim etilgandi.
Izoh (0)