“Nyu-York Siti” klubi yarim himoyachisi Frenk Lempard sportda erishgan yutuqlari uchun Britaniya imperiyasining oliy darajali ordeni — OBE bilan taqdirlandi, deb xabar qiladi “Uff.uz”.
“Bu sovringa ega bo‘lganimdan juda xursandman. Men va oilam bu mukofot bilan faxrlanamiz”, — dedi Lempard.
Mukofotni Lempard qirolicha Yelizaveta II’dan qabul qilib oldi.
Angliya termasining sobiq futbolchisi terma jamoa tarkibida 106 o‘yinda maydonga tushgan, uchta jahon chempionatida ishtirok etgan. U faoliyati davomida 14 ta sovrinni qo‘lga kiritgan.
Frenk Angliyaning “Vest Hem”, “Suonsi” va “Manchester Siti” jamoalarida to‘p surgan. Lekin unga eng katta shuhratni “Chelsi” jamoasidagi o‘yinlari keltirgan.
OBE (The Most Excellent Order of the British Empire) — 1917-yilda Britaniya qiroli Georg V tomonidan tashkil qilingan ritsarlik ordeni hisoblanadi.
Izoh (0)