Peopletravel kompaniyasi O‘zbekiston bo‘ylab avtomobil sayohatlarini ommalashtirish maqsadida Rally.uz loyihasini ishga tushirdi. UZ24’ning xabar berishicha, 30 maydan 5 iyunga qadar dastlab Rally Muynak rallisi bo‘lib o‘tadi.
Rally Muynak davomida kamida 10 nafar ishtirokchi Samarqand, Buxoro, Xiva kabi shaharlar, Nurotadagi masjid va Aleksandr Makedonskiy qal’asi harobalarini o‘z ichiga olgan Chashma majmuasiga avtomobil sayohatlarini uyushtirishadi.
Bundan tashqari ralli ishtirokchilari mehmon bo‘ladigan joylar ro‘yxatidan Qizilqum cho‘li, Aydarko‘l, Ayozqal’a qal’asi, Amudaryoni kechib o‘tish kabilar bor. Ralli Mo‘ynoq shahriga kirish bilan yakuniga yetadi.
Rallida ishtirok etish bo‘yicha arizalarni qabul qilish 15 may kuni yakuniga yetgan.
Izoh (0)