ZiyoNET portalida oliy o‘quv yurtlariga kirishni istovchilar uchun test topshirish imkoniyatini va batafsil ma’lumotlarni taqdim etadigan yangi “Abituriyent” bo‘limi ochildi. Bu haqda portal ma’muriyati “Daryo”ga ma’lum qildi.
Bo‘limda O‘zbekistonning turli hududlaridagi oliy o‘quv yurtlari, o‘tgan yil uchun o‘tish ballari, tanlangan OTM qanday mutaxassisliklarni tayyorlashi yoki tanlangan mutaxassislik qaysi OTMlarda tayyorlanishi haqida ma’lumotlar, topshiriladigan hujjatlar ro‘yxati, hujjatlarni to‘g‘ri to‘ldirish bo‘yicha videoroliklar, imtiyozlar, test vaqtidagi talablar va test varaqasini to‘ldirish namunalarini yuklab olish imkoniyati mavjud.
Abituriyentlar uchun eng qiziqarli va foydali sovg‘a esa haqiqiy sharoitlarga yaqinlashtirilgan (vaqt hisobi yuritiladigan) holda test topshirib ko‘rish imkoniyatidir. Savollar o‘tgan yilgi testlar to‘plamlaridan va boshqa manbalardan olingan. Testlarni bir necha marta topshirish mumkin. Testdan oldin OTMni tanlab, keyin ushbu o‘quv yurtiga kirish ehtimoli haqida ma’lumot va boshqa OTMlarga topshirish uchun tavsiyalar olish imkoniyati mavjud.
Izoh (0)