42 yoshli yaponiyalik ayol keksayish haqidagi fotoloyihasi uchun 2 yil o‘zini kampir qilib ko‘rsatdi

42 yoshli Kioko Hamada “Men sen edim” ijtimoiy loyihasi uchun ikki yil davomida o‘zini qari ayol qilib ko‘rsatdi, deb xabar qiladi “Tjournal.ru”.

Kioko Hamada Tokioda tug‘ilgan va 15 yoshida Nyu-Yorkka ko‘chib kelgan. U AQShda ta’lim oldi va ko‘plab nashrlarda suratkash bo‘lib ishladi.

U bir qancha vaqt davomida ko‘ngillilik ishi bilan shug‘ullanib, yolg‘iz qariyalardan xabar olganidan so‘ng “Men sen edim” loyihasi dunyoga keldi.

2012-yilda Hamada yaponiyalik yolg‘iz qariya Kikuchio-san personajini o‘ylab topdi va grim qilib, kampir obrazida ko‘chalarni aylana boshladi. Suratkashning so‘zlariga ko‘ra, agar haqiqiy hayotda Kikuchio-sanga duch kelganida u Hamadaga “Men sen edim” degan bo‘lardi.

Begonalar yaponiyalik “qariya”ga mehribonchilik qilgan. Ammo u Kikuchio-san obrazida o‘zini ko‘rinmas odamdek his etgan.

Ikki yil davomida u ko‘plab suratlar oldi, ulardan 99 tasini ko‘rgazmaga qo‘ydi. Hamada o‘z loyihasini kitob shaklida chop etmoqchi va buning uchun 10 ming dollar yig‘ishga umid qilyapti. Hozirga qadar suratkash Kickstarter orqali 4 ming dollardan ko‘proq pul yig‘ishga erishdi.