Toshkent shahri ko‘chalarida birida bugun, 9-may kuni tankka o‘xshatib bezatilgan “Moskvich” avtomobili harakatlangani aks etgan fotosuratlar Facebook’dagi “Voditeli Tashkenta” guruhiga joylashtirildi.
Suratlarda avtomobil tankka o‘xshashi uchun ustiga maxsus moslamalar o‘rnatilgani, mashinaning o‘zi, qo‘shimcha vositalar hamda avtomobil yoritgichlari va oynalarining ko‘pchiligi yashil rangga bo‘yalgani ko‘rinib turadi.
Mashinaning yon tomonida esa T-412 yozuvini ko‘rish mumkin. Guruh foydalanuvchilari haydovchi avtomobilni bunday bezatishi Ikkinchi jahon urushidagi g‘alabaning 70 yilligiga bag‘ishlanganini taxmin qilgan. Shuningdek, bunday bo‘yash ba’zi qoidalarga zidligi qayd etilgan.
Izoh (0)