Facebook’dagi “Voditeli Tashkenta” guruhiga Toshkentda o‘z relsidan chiqib ketgan tramvay aks etgan fotosuratlar joylashtirildi. Suratlarda tramvay relsdan chiqib ketganini va uning atrofida odamlar to‘planib turganini ko‘rish mumkin.
Suratlarga izoh qoldirgan foydalanuvchilar bu Muqimiy ko‘chasidagi tramvay yo‘li ekanligini taxmin qilgan. Shuningdek, tramvay o‘z yo‘nalishiga teskari turgani ham hayrat bilan qayd etilgan. Tramvayning orqa eshigiga zarar yetgan. Hodisasning boshqa tafsilotlari ma’lum emas. Voqea joyiga ko‘ra tramvay 9-yo‘nalishda harakatlanganini taxmin qilish mumkin.
Eslatib o‘tamiz, 2015-yil 15-mart kuni Shastri va Pahlavon Mahmud ko‘chalari kesishgan chorrahada, 2015-yil 3-mart kuni Shifokorlar shaharchasi ko‘chasida, shuningdek 2014-yilda bir necha marta tramvaylar o‘z relsidan chiqib ketgani haqida xabar berilgan.
Izoh (0)