Yaponiya bosh vaziri Sindzo Abe o‘z mamlakatining Ikkinchi jahon urushidagi tajovuzkor harakatlaridan chuqur afsusda ekanligini bildirdi. Bu haqda “Korrespondent.net” xabar bermoqda.
“Biz tinchlikparvar davlat sifatida mavjud bo‘lish tamoyillariga sodiqmiz. Bundan buyon jahonda hech kim qurollardan nazoratsiz foydalanishiga yo‘l qo‘ymaslik darkor”, - dedi Abe Jakartada bo‘lib o‘tayogan Osiyo-Afrika sammitidagi nutqida.
Avvalroq, Xitoy va Janubiy Koreya Tokiodan mamlakatning Ikkinchi jahon urushidagi harakatlari tajovuzkor bo‘lganini rasman tan olishni talab qilgandi.
Sammit doirasida Sindzo Abe va Xitoy prezidenti Si Szinpin o‘rtasida uchrashuv bo‘lib o‘tishi kutilmoqda.
Izoh (0)