Moskvada 12-mart kuni “Buyumlar interneti” konferensiyasi ochildi, deya xabar bermoqda “Rossiyskaya gazeta”. Unda ekspertlar nafaqat “aqlli shahar”, “aqlli uy” konsepsiyalarini muhokama qildi, balki Buyumlar internetining kuchsiz himoyalanganini qayd etdi.
Ta’kidlanishicha, eng oddiy buyumlar shunchalik ko‘p “aqllilashmoqda”ki, 2020-yilga kelib, Tarmoqqa 25 dan 50 milliardgacha qurilmalar ulangan bo‘ladi. Biroq smart-devayslar sonining keskin oshishi ushbu buyumlarning xavfsizligi darajasini ham pasaytiradi. Xakerlar maishiy texnikalarga ham hujum uyushtirishi mumkin.
Masalan, “aqlli” qahva qaynatuvchi uskuna Tarmoqda signal qabul qilish orqali mustaqil ravishda qahva tayyorlay oladi. Yovuz niyatlilar esa unga hujum qilib, unga ulanib olishi mumkin. Agar bu paytda foydalanuvchi uskuna yonida bo‘lmasa va qahva qaynatgich ichida suv bo‘lmasa, u yonib ketishi mumkin.Bunday muammolar smart-oshxonaning boshqa buyumlari bilan ham sodir bo‘lishi mumkin.
Izoh (0)