Transparency International nohukumat tashkiloti Londonda umumiy maydoni 5,8 million kilometr kvadratni tashkil etuvchi 36 342 ta ko‘chmas mulk obyekti offshor hududlarda ro‘yxatdan o‘tkazilgan kompaniyalarga tegishli ekanini ma’lum qildi, deb xabar bermoqda “Gazeta.ru”.
Ushbu kompaniyalarning 38 foizi Virgin orollarida, 16 foizi Jersida, 9,5 foizi Men orolida va 9 foizi Gernsida ro‘yxatga olingan. Aniqlanishicha, Londonda korrupsiyaga aloqador shaxslarga tegishli ko‘chmas mulkning 75 foizi aynan offshor kompaniyalariga rasmiylashtirilgan. Bunday “maxfiy” obyektlarning ko‘pchiligi Vestminster, Kensington va Chelsida joylashgan. Jinoiy qidiruvda bo‘lgan shaxslarning mulklari qiymati 180 million funtdan oshgan.
Buyuk Britaniyada uzoq yillardan buyon ko‘chmas mulk narxi faol oshib borayotganiga butun dunyo mamlakatlari poraxo‘rlari o‘zlari undirgan pullarni ushbu davlat bozoriga tikayotgani sabab bo‘layotgani ma’lum qilindi. Buyuk Britaniya hukumati bunga qarshi hech qanday chora ko‘rmayotgani qayd etilgan.
Izoh (0)