O‘zbekistonlik shaxmatchi Rustam Qosimjonov FIDE Gran-prisida yana bir bor durang o‘ynadi

Gruziya poytaxti Tbilisi shahrida yakuniga yetib borayotgan shaxmat bo‘yicha FIDE Gran-prisining uchinchi bosqichida 10-tur uchrashuvlari bo‘lib o‘tdi. Nufuzli musobaqada 2004-yilgi jahon chempioni Rustam Qosimjonov bu turda ham durang o‘ynadi, deb xabar beradi “Olamsport.com”.

Qosimjonov kecha, 26-fevral kuni o‘tkazilgan 10-turda oq donalarda ekanligiga qaramay, gruziyalik Baadur Jobava bilan durang o‘ynadi. Tomonlar 33-yurishdan so‘ng murosaga keldi. Ushbu durangdan so‘ng Rustam Qosimjonov 5 ochko bilan turnir jadvalida qo‘shimcha ko‘rsatkichlarga ko‘ra beshinchi o‘rinni egallab turibdi.

FIDE Gran-prisi

3-bosqich, 10-tur natijalari:

• Teymur Rajabov (Ozarbayjon) – Anish Giri (Gollandiya): 0,5:0,5
• Lener Dominges (Kuba) – Shaxriyar Mamadiyarov (Ozarbayjon): 0,5:0,5
• Petr Svidler (Rossiya) – Aleksandr Grishchuk (Rossiya): 0,5:0,5
• Maksim Vashye-Lagrav (Fransiya) – Dmitriy Yakovenko (Rossiya): 0,5:0,5
• Rustam Qosimjonov (O‘zbekiston) – Baadur Jobava (Gruziya): 0,5:0,5
• Dmitriy Andreykin (Rossiya) – Yevgeniy Tomashevskiy (Rossiya) – 0,5:0,5

• Tomashevskiy – 7,5;
• Yakovenko – 6;
• Rajabov – 5,5;
• Mamadiyarov, Qosimjonov, Dominges, Giri – 5;
• Grishchuk, Vashye-Lagrav, Jobava – 4,5;
• Svidler – 4;
• Andreykin – 3,5.