AQShning Texas shtati Ostin shahridagi marafon ishtirokchilaridan biri — keniyalik Xivon Ngetik poygani emaklagan holda yakunladi, deya xabar bermoqda The Daily Mail.
Qiz masofaning katta qismi davomida yetakchilar safida bo‘lgan, biroq finishgacha 50 metr qolganida lohaslikdan yerga yiqilib qolgan. 29 yoshli sportchi qizga tibbiy xodimlar brigadasi yordamga shoshilgan va uni nogironlar aravachasiga o‘tqizmoqchi bo‘lishgan. Biroq qiz atrofdagilar ko‘magidan foydalansa, poygadan chetlatilishini anglab, masofani mustaqil ravishda emaklab bosib o‘tishga qaror qildi va shu tarzda finishgacha yetib bordi.
Umumiy hisobda ayollar orasida Ngetik 3 soat 2 daqiqa 2 soniya natija bilan uchinchi o‘rinni egalladi.
Izoh (0)