Грузия пойтахти Тбилиси шаҳрида якунига етиб бораётган шахмат бўйича ФИДЕ Гран-присининг учинчи босқичида 10-тур учрашувлари бўлиб ўтди. Нуфузли мусобақада 2004 йилги жаҳон чемпиони Рустам Қосимжонов бу турда ҳам дуранг ўйнади, деб хабар беради «Olamsport.com».
Қосимжонов кеча, 26 февраль куни ўтказилган 10-турда оқ доналарда эканлигига қарамай, грузиялик Баадур Жобава билан дуранг ўйнади. Томонлар 33-юришдан сўнг муросага келди. Ушбу дурангдан сўнг Рустам Қосимжонов 5 очко билан турнир жадвалида қўшимча кўрсаткичларга кўра бешинчи ўринни эгаллаб турибди.
ФИДЕ Гран-приси
3-босқич, 10-тур натижалари:
- Теймур Ражабов (Озарбайжон) – Аниш Гири (Голландия): 0,5:0,5
- Ленер Домингес (Куба) – Шахрияр Мамадияров (Озарбайжон): 0,5:0,5
- Петр Свидлер (Россия) – Александр Гришчук (Россия): 0,5:0,5
- Максим Ваше-Лаграв (Франция) – Дмитрий Яковенко (Россия): 0,5:0,5
- Рустам Қосимжонов (Ўзбекистон) – Баадур Жобава (Грузия): 0,5:0,5
- Дмитрий Андрейкин (Россия) – Евгений Томашевский (Россия) – 0,5:0,5
- Томашевский – 7,5;
- Яковенко – 6;
- Ражабов – 5,5;
- Мамадияров, Қосимжонов, Домингес, Гири – 5;
- Гришчук, Ваше-Лаграв, Жобава – 4,5;
- Свидлер – 4;
- Андрейкин – 3,5.
Изоҳ (0)