Rustam Qosimjonov FIDE Gran-Prisida kuchli uchlikda bormoqda

Tbilisi shahrida davom etayotgan FIDE Gran-prisining uchinchi bosqichida 7-tur uchrashuvlari bo‘lib o‘tdi, deya xabar beradi “Stadion.uz”.

Ushbu turda ozarbayjonlik Timur Rajabovga qarshi o‘tkazilgan uchrashuvda durang natijani qayd etgan hamyurtimiz Rustam Qosimjonov ochkolari sonini to‘rttaga yetkazib oldi va turnir jadvalida 12 nafar grossmeyter orasida 3-o‘rinni egallab turibdi. Peshqadam Yevgeniy Tomashevskiy (Rossiya) hisobida esa 5 ochko bor.

23-fevral, bugun o‘tkaziladigan 8-turda Rustam Qosimjonov rossiyalik Dmitriy Andreykinga qarshi dona suradi.

Shu kunga qadar o‘tkazilgan 7 uchrashuvda Rustam Qosimjonov 2 bor g‘alaba qozonib, to‘rt partiyada durang natijani qayd etgan va faqatgina bir o‘yinda mag‘lubiyatga uchragan.