Ukraina Oliy Radasi Rossiya ommaviy axborot vositalarini akkreditatsiyadan mahrum qildi, deb xabar bermoqda “Segodnya.ua”.
Pyotr Poroshenkoning sobiq matbuot kotibi Irina Friz tomonidan tayyorlangan qaror loyihasini yoqlab 239 nafar deputat ovoz bergan. Hujjatda aytilishicha, aksilterror operatsiyani tugatish to‘g‘risida qaror qabul qilinguncha Rossiya Federatsiyasi jurnalistlarini va ba’zi ommaviy axborot vositalari vakillarini Ukraina davlat hokimyati organlari huzuridagi akkreditatsiyasi vaqtinchalik to‘xtatiladi.
Taqiqlangan nashrlar va telekanallar ro‘yxatini tuzish bilan Ukraina xavfsizlik xizmati shug‘ullanadi. Shundan keyin organlarning o‘zlari ikki kun ichida rossiyalik jurnalistlarni akkreditatsiyadan mahrum qilishlari kerak bo‘ladi.
Izoh (0)