Smartfonlardagi internet tezligini ikki marta oshiradigan texnologiya yaratildi

AQShning Texas universiteti tadqiqotchilari yangi texnologiyani ishlab chiqdi, u simsiz axborot almashish tezligini bugungi ko‘rsatkichdan ikki marta oshiradi. Bu haqda CNews xabar bermoqda.

Olimlar yaratgan elektron kontur smartfon yoki planshet kabi kichik qurilma uchun to‘liq dupleksli aloqa kanalini yaratishni ko‘zda tutadi. To‘liq dupleksli aloqa gadjetning signallarni ham yuborishi, ham qabul qilishi demakdir.

Nashrning qayd etishicha, hozirda zamonaviy mobil qurilmalar yarim dupleks rejimida ishlaydi: ular o‘ta yuqori tezlik bilan yuborish va qabul qilish rejimlarini o‘zgartirib turadi.

Tadqiqotchilar smartfon va planshetlarga axborotlar bilan ikki marta tezroq ayirboshlash imkonini beruvchi kontur qurilmalarga ularning tuzilishini deyarli o‘zgartirmasdan qo‘shib qo‘yilishi mumkinligini ta’kidladi.