Meksikada bo‘lib o‘tayotgan nogironlar o‘rtasidagi jahon chempionatida O‘zbekiston amputantlar terma jamoasi Braziliyani 3:0 hisobida mag‘lub etdi, deb xabar bermoqda “Stadion.uz”.
O‘zbekiston terma jamoasi “A” guruhining 3-turida braziliyaliklarga qarshi bahs olib bordi va yirik hisobda g‘alaba qozondi. Dastlabki golni Abdujamil Shukurov o‘z hisobiga yozib qo‘ydi. Ikkinchi gol esa burchak to‘pidan keyin kiritilgan bo‘lsa, uchinchi golni vakillarimiz raqib himoyasining xatosidan so‘ng kiritdi.
Shunday qilib, barcha o‘yinlarda g‘alaba qozongan O‘zbekiston terma jamoasi guruhda 1-o‘rinni egalladi.
Izoh (0)