O‘zbekistonlik tennischilar Ostona turnirining juftliklar bahsida yarim finalga yo‘l oldi

Qozog‘istonning Ostona shahrida tennis bo‘yicha ITF toifasiga kiruvchi, mukofot jamg‘armasi 10 ming AQSh dollaridan iborat turnir davom etmoqda, deb xabar beradi “Olamsport”.

Ushbu musobaqaning juftliklar bahsida to‘rtinchi raqamli duetni tashkil qilgan o‘zbekistonlik Albina Xabibulina va Polina Merenkova yarim final yo‘llanmasini qo‘lga kiritdi.

O‘zbekiston vakilalari belorussiyalik tennischilar — Sadafmoh Tolibova va Alina Zubkova hamkorligidan ustun keldi. Albina va Polina raqibalariga birorta ham geymni ravo ko‘rmadi — 6:0, 6:0.