Janubiy Koreyaning Hyundai kompaniyasi 2018-yilgacha O‘zbekistonning issiqlik energetikasi sohasida 8 milliard dollarlik shartnomalarni amalga oshiradi. Bu haqda Hyundai Engineering&Construction prezidenti Yung Su Xun ma’lum qildi, deb xabar bermoqda “RIA Novosti”.
“Kompaniyaning xalqaro tanlovlar yakunlari bo‘yicha imzolagan jiddiy shartnomalari mavjud. Ular sheriklar bilan birgalikda yaqin 3−4 yil ichida amalga oshiriladi”, − dedi Yung. Uning so‘zlariga ko‘ra, kompaniya O‘zbekistondagi boshqa tenderlarda ham qatnashishda davom etadi.
Avvalroq, uskunalarni yetkazib berish, gazni qayta ishlash zavodi kompleksini qurish va Qandim konlari guruhini obodonlashtirish uchun pudratchini tanlash bo‘yicha tanlov savdolarida Hyundai Engineering Co., Ltd. kompaniyasi boshchiligidagi konsorsium g‘olib bo‘lgani xabar berilgan edi.
Izoh (0)