Malayziyaning Rossiyadagi elchixonasi savdo maslahatchisi va Malayziyaning tashqi savdoni rivojlantirish bilan shug‘ullanuvchi korporatsiyasi (MATRADE)ning MDH bo‘yicha vakili Zayniddin Jalil O‘zbekiston Malayziyaning Markaziy Osiyodagi eng yirik savdo sherigi ekanligini ma’lum qildi, deb yozadi UzDaily.
Uning ta’kidlashicha, ikki mamlakat o‘rtasidagi tovar aylanmasi 2013-yil yakunlariga ko‘ra 71,5 million dollarni tashkil etdi, bu 2012-yilga nisbatan 9,1 foizga ko‘p demakdir. Shu bilan birga, Malayziyaning O‘zbekistonga eksporti 19,4 foizga oshib, 69,8 million dollarga yetdi, O‘zbekistondan keladigan import esa 76,9 foizga kamayib, 1,6 million dollargacha tushib ketdi.
2014-yilning to‘qqiz oyi ichida esa davlatlar o‘rtasidagi tovar aylanmasi 42,5 foizga oshgan va 72,3 million dollarni tashkil qilgan.
Zayniddin Jalilning ta’kidlashicha, Malayziyaning Markaziy Osiyo davlatlari bilan jami tovar aylanmasining 41,2 foizi O‘zbekiston hissasiga to‘g‘ri keladi.
Bundan tashqari, Malayziyaning Markaziy Osiyoga eksporti hajmining 49,2 foizi, mintaqadan Malayziyaga keltiriladigan import hajmining 35,5 foizi O‘zbekiston ulushiga to‘g‘ri keladi.
Izoh (0)