Islom Karimovning Qozog‘istonga tashrifi davomida qator hujjatlar imzolandi

Avval xabar qilinganidek, O‘zbekiston Respublikasi Prezidenti Islom Karimov Qozog‘iston Respublikasi Prezidenti Nursulton Nazarboyevning taklifiga binoan 24—25-noyabr kunlari rasmiy tashrif bilan ushbu mamlakatda bo‘ldi.

O‘zA xabariga ko‘ra, ikki davlat rahbarlari an’anaviy do‘stlik va ochiqlik ruhida o‘tgan muzokaralar chog‘ida mamlakatlarimiz o‘rtasidagi munosabatlarni rivojlantirishning asosiy masalalari, savdo-iqtisodiy, madaniy-gumanitar va boshqa sohalarda o‘zaro hamkorlikni yanada kengaytirish va mustahkamlash istiqbollari, shuningdek, tomonlarni qiziqtirgan dolzarb mintaqaviy va xalqaro masalalarni muhokama etdilar.

Prezidentlar muzokaralar chog‘ida iqtisodiy munosabatlarni izchil rivojlantirishga alohida e’tibor qaratdilar.

Muzokaralar jarayonida Orolni qutqarish xalqaro jamg‘armasi faoliyati ham ko‘rib chiqildi.