Zomin shahri aholisi 2030-yilgacha 38 ming kishiga yetadi

2014-yil 10-noyabr kuni O‘zbekiston Davlat arxitektura va qurilish qo‘mitasi tomonidan Jizzax viloyati Zomin shahrining 2030-yilgacha bo‘lgan davrdagi bosh rejasi tasdiqlandi. Bu haqda qo‘mita matbuot xizmati xabar bermoqda.

Rejaga muvofiq shaharning aholisi soni 38 ming kishigacha, hudud maydoni 1851,92 gektargacha, uy-joy fondi 912 ming kvadrat metrgacha o‘sishi ko‘zda tutilgan.

Shuningdek, bosh rejada ijtimoiy, muhandislik va transport infratuzilmalarining istiqbolli rivojlanishi hamda atrof-muhitning ekologik holatini yaxshilash masalalari rejalashtirilgan.

Reja “O‘zshaharsozlik loyihalash ilmiy-tadqiqot instituti” DUK tomonidan ishlab chiqilgan.