Sentabr oyida bir qator OAVlarda Ariston Thermo-UTG MChJ QK jamoatchilik bilan aloqalar va kommunikatsiyalar xizmati rahbari Sh. Axunjanova bilan intervyu e’lon qilingan edi. E’tiboringizga o‘sha intervyuning davomini havola qilamiz.
Sizning ishlab chiqarishingiz qayerda joylashgan?
Zavodimiz “Navoiy” erkin industrial-iqtisodiy zona hududida joylashgan.
Zavodni “Navoiy” EIIZda joylashtirish qarori nima bilan bog‘liq?
“Navoy” EIIZ qo‘shma korxonamiz Muassislarini shunisi bilan o‘ziga jalb etdiki, u xorijiy investorlarga to‘liq ishlab chiqarish sikliga ega bo‘lgan sanoat ob’ektlarini barpo etishda keng imkoniyatlar va katta ustunliklarni taqdim etadi. Bunda yuqori texnologiyali, raqobatbardosh, innovatsion texnika, texnologik liniyalar va modullar keng doirasi ishlab chiqarishlarining yo‘lga qo‘yilishiga ustunlik beriladi. “Navoy” EIIZ faoliyat ko‘rsata boshlagan davrdan buyon uning hududida bir qator imtiyozlar va afzalliklarni nazarda tutuvchi alohida huquqiy, bojxona, valyuta va viza rejimlari amal qilib turibdi, bu hol albatta bizni o‘ziga tortdi.
Demak, Siz bizga qo‘shma korxonangiz taklif etayotgan zamonaviy isitish va issiq suv ta’minoti tizimi nima o‘zida namoyon etishi haqida batafsil hikoya qilib berdingiz. Aytingchi, tizimning barcha qismlarini birgalikda xarid qilish qanchalik shart?
Ushbu tanlovni har bir iste’molchi mustaqil ravishda amalga oshiradi. Biroq, biz butun tizimni birgalikda xarid qilishni tavsiya etamiz va buning uchun bizda yetarli asoslar mavjud.
Masalan, butun jahonga mashhur Honeywell kompaniyasining xona termostati va radiatorli termoregulyatorlari yordamida foydalanuvchi uyning har bir xonasidagi haroratni alohida tarzda boshqarish imkoniyatiga ega bo‘ladi. Gaz bilan isitiladigan qozon va boshqa asbob-uskunalarni (kir yuvish mashinasi, aralashtirgichlar, gaz plitasi, elektr choynaklar va h.k) himoyalash hamda ularning xizmat ko‘rsatish muddatini uzaytirish uchun sovuq suvni yupqa tozalash filtrini, gaz filtri va gaz bosimi regulyatorini uyga sovuq suv va gazning kirishiga o‘rnatish tavsiya etiladi. Shu bilan bir qatorda, xususiy sektorda seysmik qopqoqni o‘rnatish lozim, u zilzilalar vaqtida uyga gaz berilishini uzib qo‘yadi va kutilmagan vaziyatlarning oldini olish imkonini beradi. Honeywell kompaniyasining ko‘p yillik tajribasi yuqorida sanab o‘tilgan barcha qismlarda muvaffaqiyatli tarzda amalga oshirilgan.
Funksional ustunliklardan tashqari ushbu asboblar ARISTON BS II 24 FF qozoniga gaz iste’mol qilishni sezilarli darajada kamaytirish va an’anaviy qozonlarga qaraganda gaz sarflarini qo‘shimcha ravishda tejashga yordam beradi.
Nima uchun Siz O‘zbekistonda zamonaviy isitish va issiq suv ta’minoti tizimlaridan foydalanishga o‘tish dolzarb, deb hisoblaysiz?
Haqiqatdan ham, mamlakatimizda zamonaviy isitish va issiq suv ta’minoti tizimlaridan foydalanishga o‘tish juda dolzarb hisoblanadi va bu bir qator afzalliklarni o‘z ichiga oladi. Quyida ulardan eng muhimlarini sanab o‘tamiz:
Birinchidan, bu Yevropa mamlakatlari tomonidan muvaffaqiyatli tarzda qo‘llanilayotgan tajriba bo‘lib, u hozirda MDH mamlakatlarida ham keng joriy etilmoqda. Bu har bir davlatning energiya resurslari ichki iste’molini sezilarli darajada qisqartirish va aholi turmushining sifatini yaxshilash imkonini beruvchi energiyani tejovchi texnologiyalarni qo‘llashga bo‘lgan ehtiyoji bilan shartlangan o‘ziga xos talab.
Ikkinchidan, bunday tizimlar o‘zini yakuniy iste’molchi uchun yuqori darajali qulaylik va xavfsizlikni ta’minlovchi yuqori samarali va energiyani tejovchi tizimlar sifatida ko‘rsatdi.
Biz taklif etayotgan tizimlar bugungi kunda ko‘pchilik uchun unchalik tushunarli bo‘lmasligi mumkin, lekin ertami yoki kechmi ushbu tizimlar kundalik hayotdan joy oladi. Qo‘shma korxonamiz O‘zbekiston hududida zamonaviy isitish va issiq suv ta’minoti jihozlarini joriy etishga yo‘naltirilgan surunkali ishni davom ettirmoqda.
Siz O‘zbekiston bozorida o‘zingizni ko‘rsatishda qanaqa asosiy qiyinchiliklarga duch keldingiz?
Ariston brendi O‘zbekiston Respublikasida taniqli savdo rusumi hisoblanadi. U elektr suv isitgich mahsuloti uchun o‘ziga xos umumiy nomga aylangan. Hozirda gaz bilan isitish va suv isitish jihozlari borasida ana shunday tendensiya yuzaga kelgan.
Shubhasiz, insonlar, idoralar va tashkilotlar, xususan qo‘shma korxonamiz va sheriklarimiz (O‘zbekneftgaz MXK, O‘ztransgaz AK, TIAISV, Arxitektura va qurilish davlat qo‘mitasi, qurilish tashkilotlari, loyiha institutl ari va b.) xodimlarining kundalik ishi hozirdanoq o‘z mevasini bermoqda. Biz birgalikdagi sa’y-harakatlarimiz bilan o‘nlab yillar mobaynida bu borada shakllangan an’analarga barham berishga harakat qilayapmiz. Ko‘pincha insonlarga o‘zlari o‘rganib qolgan buyumlarning kamchiliklarini tan olish ancha mushkul va ular uchun yangi narsani qabul qilish va odatlangan narsadan voz kechish oson emas. Biroq, bir qator afzalliklar bizga yanada ilgari odimlash va O‘zbekistonda tobora ko‘proq foydalanuvchilarni o‘zimizga jalb etish imkonini beradi.
Potensial mijozingiz kim?
Agar zamonaviy isitish va issiq suv ta’minoti tizimining qo‘llanish sohasi haqida so‘z yuritadigan bo‘lsak, bu asosan xususiy sektor, ko‘p kvartirali binolar, ijtimoiy obyektlar, madaniy-maishiy obyektlar, biznes sektori va h.k. Bir so‘z bilan aytganda potensial mijozlarimiz – bu issiqlik va issiq suvga ehtiyojmand bo‘lgan barcha insonlar.
“Ikki konturli qozon” nimani anglatadi?
Bu shuni anglatadiki, qozon ham xonani isitadi, ham sanitariya ehtiyojlari uchun issiq suv tayyorlaydi. Ko‘p holatlarda bo‘lgani kabi, iste’molchilar isitish qozoni va issiq suv ta’minoti uchun suv isitish qurilmasini alohida sotib olishiga to‘g‘ri kelmaydi.
Yakuniy iste’molchida qanaqa afzalliklar paydo bo‘lishi haqida batafsilroq so‘zlab bersangiz.
Birinchi navbatda bizning nazarimizdagi eng muhim ustunlikni ta’kidlashni istardik: ARISTON BS II 24 FF qozoni tez orada – 1-2 yil ichida o‘zining xarid qilish va o‘rnatish xarajatlarini oqlaydi. Biz gaz iste’mol qilish hajmi 50−70 foiz qisqarishiga amaliyotda guvoh bo‘lganmiz. Bundan tashqari, yakuniy iste’molchi quyidagi afzalliklarga ega bo‘ladi: isitish va issiq suv ta’minoti – 2 tasi 1 tada; avtomatlashtirilgan energiya iste’moli nazorati; yuqori KPD – 94,5%; Aristonning sifati va ishonchliligi; yuqori xavfsizlik darajasi; ixcham o‘lchamlar; kafolatli va kafolat muddati tugaganidan keyingi xizmatlar ko‘rsatilishi va boshqa ustunliklar.
Texnik xizmat ko‘rsatish qancha vaqtda o‘tkazib turilishi kerak?
Biz qozonga har yili isitish davri arafasida texnik xizmat ko‘rsatishni o‘tkazib turishni tavsiya qilamiz va buni malakali mutaxassislar amalga oshirishlari lozim.
Mahsulotingizni kreditga xarid qilish mumkinmi?
Hozirgi bosqichda qo‘shma korxonamiz tomonidan mahsulotimiz uchun kredit liniyasini ochish ustida faol ish olib borilayapti. Biz O‘zbekiston bozorida yangi bo‘lganligimiz bois, ushbu jarayon muayyan vaqtni talab qilishi tabiiy. Lekin tez kunda mijozlarimizni yaxshi xabar bilan xushnud etishimizga chin dildan ishonamiz.
Biz har bir mijozimizni e’zozlaymiz! Insonlar bizni o‘z uylariga “kiritayotganligini” va bizga o‘z makonining iliqligi va qulayligini ishonib topshirayotganligini qadrlaymiz, shuning uchun ularning ishonchini oqlash yo‘lida qo‘ldan kelganicha harakat qilamiz!
Intervyuning to‘liq shakli bilan QKning saytida tinishishingiz mumkin.
- Ma’muriy ofis: Toshkent sh., Afrosiyob ko‘chasi, 4B-uy, 303-ofis.
- Shoshilinch telefon raqami: 8 (371) 256-95-09
- ariston-utg.uz
Izoh (0)