Сентябрь ойида бир қатор ОАВларда Ariston Thermo-UTG МЧЖ ҚК жамоатчилик билан алоқалар ва коммуникациялар хизмати раҳбари Ш. Ахунжанова билан интервью эълон қилинган эди. Эътиборингизга ўша интервьюнинг давомини ҳавола қиламиз.
Сизнинг ишлаб чиқаришингиз қаерда жойлашган?
Заводимиз «Навоий» эркин индустриал-иқтисодий зона ҳудудида жойлашган.
Заводни «Навоий» ЭИИЗда жойлаштириш қарори нима билан боғлиқ?
«Навой» ЭИИЗ қўшма корхонамиз Муассисларини шуниси билан ўзига жалб этдики, у хорижий инвесторларга тўлиқ ишлаб чиқариш циклига эга бўлган саноат объэктларини барпо этишда кенг имкониятлар ва катта устунликларни тақдим этади. Бунда юқори технологияли, рақобатбардош, инновацион техника, технологик линиялар ва модуллар кенг доираси ишлаб чиқаришларининг йўлга қўйилишига устунлик берилади. «Навой» ЭИИЗ фаолият кўрсата бошлаган даврдан буён унинг ҳудудида бир қатор имтиёзлар ва афзалликларни назарда тутувчи алоҳида ҳуқуқий, божхона, валюта ва виза режимлари амал қилиб турибди, бу ҳол албатта бизни ўзига тортди.
Демак, Сиз бизга қўшма корхонангиз таклиф этаётган замонавий иситиш ва иссиқ сув таъминоти тизими нима ўзида намоён этиши ҳақида батафсил ҳикоя қилиб бердингиз. Айтингчи, тизимнинг барча қисмларини биргаликда харид қилиш қанчалик шарт?
Ушбу танловни ҳар бир истеъмолчи мустақил равишда амалга оширади. Бироқ, биз бутун тизимни биргаликда харид қилишни тавсия этамиз ва бунинг учун бизда етарли асослар мавжуд.
Масалан, бутун жаҳонга машҳур Honeywell компаниясининг хона термостати ва радиаторли терморегуляторлари ёрдамида фойдаланувчи уйнинг ҳар бир хонасидаги ҳароратни алоҳида тарзда бошқариш имкониятига эга бўлади. Газ билан иситиладиган қозон ва бошқа асбоб-ускуналарни (кир ювиш машинаси, аралаштиргичлар, газ плитаси, электр чойнаклар ва ҳ.к) ҳимоялаш ҳамда уларнинг хизмат кўрсатиш муддатини узайтириш учун совуқ сувни юпқа тозалаш филтрини, газ филтри ва газ босими регуляторини уйга совуқ сув ва газнинг киришига ўрнатиш тавсия этилади. Шу билан бир қаторда, хусусий секторда сейсмик қопқоқни ўрнатиш лозим, у зилзилалар вақтида уйга газ берилишини узиб қўяди ва кутилмаган вазиятларнинг олдини олиш имконини беради. Honeywell компаниясининг кўп йиллик тажрибаси юқорида санаб ўтилган барча қисмларда муваффақиятли тарзда амалга оширилган.
Функционал устунликлардан ташқари ушбу асбоблар ARISTON BS II 24 FF қозонига газ истеъмол қилишни сезиларли даражада камайтириш ва анъанавий қозонларга қараганда газ сарфларини қўшимча равишда тежашга ёрдам беради.
Нима учун Сиз Ўзбекистонда замонавий иситиш ва иссиқ сув таъминоти тизимларидан фойдаланишга ўтиш долзарб, деб ҳисоблайсиз?
Ҳақиқатдан ҳам, мамлакатимизда замонавий иситиш ва иссиқ сув таъминоти тизимларидан фойдаланишга ўтиш жуда долзарб ҳисобланади ва бу бир қатор афзалликларни ўз ичига олади. Қуйида улардан энг муҳимларини санаб ўтамиз:
Биринчидан, бу Европа мамлакатлари томонидан муваффақиятли тарзда қўлланилаётган тажриба бўлиб, у ҳозирда МДҲ мамлакатларида ҳам кенг жорий этилмоқда. Бу ҳар бир давлатнинг энергия ресурслари ички истеъмолини сезиларли даражада қисқартириш ва аҳоли турмушининг сифатини яхшилаш имконини берувчи энергияни тежовчи технологияларни қўллашга бўлган эҳтиёжи билан шартланган ўзига хос талаб.
Иккинчидан, бундай тизимлар ўзини якуний истеъмолчи учун юқори даражали қулайлик ва хавфсизликни таъминловчи юқори самарали ва энергияни тежовчи тизимлар сифатида кўрсатди.
Биз таклиф этаётган тизимлар бугунги кунда кўпчилик учун унчалик тушунарли бўлмаслиги мумкин, лекин эртами ёки кечми ушбу тизимлар кундалик ҳаётдан жой олади. Қўшма корхонамиз Ўзбекистон ҳудудида замонавий иситиш ва иссиқ сув таъминоти жиҳозларини жорий этишга йўналтирилган сурункали ишни давом эттирмоқда.
Сиз Ўзбекистон бозорида ўзингизни кўрсатишда қанақа асосий қийинчиликларга дуч келдингиз?
Ariston бренди Ўзбекистон Республикасида таниқли савдо русуми ҳисобланади. У электр сув иситгич маҳсулоти учун ўзига хос умумий номга айланган. Ҳозирда газ билан иситиш ва сув иситиш жиҳозлари борасида ана шундай тенденция юзага келган.
Шубҳасиз, инсонлар, идоралар ва ташкилотлар, хусусан қўшма корхонамиз ва шерикларимиз (Ўзбекнефтгаз МХК, Ўзтрансгаз АК, ТИАИСВ, Архитектура ва қурилиш давлат қўмитаси, қурилиш ташкилотлари, лойиҳа институтл ари ва б.) ходимларининг кундалик иши ҳозирданоқ ўз мевасини бермоқда. Биз биргаликдаги саъй-ҳаракатларимиз билан ўнлаб йиллар мобайнида бу борада шаклланган анъаналарга барҳам беришга ҳаракат қилаяпмиз. Кўпинча инсонларга ўзлари ўрганиб қолган буюмларнинг камчиликларини тан олиш анча мушкул ва улар учун янги нарсани қабул қилиш ва одатланган нарсадан воз кечиш осон эмас. Бироқ, бир қатор афзалликлар бизга янада илгари одимлаш ва Ўзбекистонда тобора кўпроқ фойдаланувчиларни ўзимизга жалб этиш имконини беради.
Потенциал мижозингиз ким?
Агар замонавий иситиш ва иссиқ сув таъминоти тизимининг қўлланиш соҳаси ҳақида сўз юритадиган бўлсак, бу асосан хусусий сектор, кўп квартирали бинолар, ижтимоий объектлар, маданий-маиший объектлар, бизнес сектори ва ҳ.к. Бир сўз билан айтганда потенциал мижозларимиз – бу иссиқлик ва иссиқ сувга эҳтиёжманд бўлган барча инсонлар.
«Икки контурли қозон» нимани англатади?
Бу шуни англатадики, қозон ҳам хонани иситади, ҳам санитария эҳтиёжлари учун иссиқ сув тайёрлайди. Кўп ҳолатларда бўлгани каби, истеъмолчилар иситиш қозони ва иссиқ сув таъминоти учун сув иситиш қурилмасини алоҳида сотиб олишига тўғри келмайди.
Якуний истеъмолчида қанақа афзалликлар пайдо бўлиши ҳақида батафсилроқ сўзлаб берсангиз.
Биринчи навбатда бизнинг назаримиздаги энг муҳим устунликни таъкидлашни истардик: ARISTON BS II 24 FF қозони тез орада – 1-2 йил ичида ўзининг харид қилиш ва ўрнатиш харажатларини оқлайди. Биз газ истеъмол қилиш ҳажми 50−70 фоиз қисқаришига амалиётда гувоҳ бўлганмиз. Бундан ташқари, якуний истеъмолчи қуйидаги афзалликларга эга бўлади: иситиш ва иссиқ сув таъминоти – 2 таси 1 тада; автоматлаштирилган энергия истеъмоли назорати; юқори КПД – 94,5%; Aristonнинг сифати ва ишончлилиги; юқори хавфсизлик даражаси; ихчам ўлчамлар; кафолатли ва кафолат муддати тугаганидан кейинги хизматлар кўрсатилиши ва бошқа устунликлар.
Техник хизмат кўрсатиш қанча вақтда ўтказиб турилиши керак?
Биз қозонга ҳар йили иситиш даври арафасида техник хизмат кўрсатишни ўтказиб туришни тавсия қиламиз ва буни малакали мутахассислар амалга оширишлари лозим.
Маҳсулотингизни кредитга харид қилиш мумкинми?
Ҳозирги босқичда қўшма корхонамиз томонидан маҳсулотимиз учун кредит линиясини очиш устида фаол иш олиб борилаяпти. Биз Ўзбекистон бозорида янги бўлганлигимиз боис, ушбу жараён муайян вақтни талаб қилиши табиий. Лекин тез кунда мижозларимизни яхши хабар билан хушнуд этишимизга чин дилдан ишонамиз.
Биз ҳар бир мижозимизни эъзозлаймиз! Инсонлар бизни ўз уйларига «киритаётганлигини» ва бизга ўз маконининг илиқлиги ва қулайлигини ишониб топшираётганлигини қадрлаймиз, шунинг учун уларнинг ишончини оқлаш йўлида қўлдан келганича ҳаракат қиламиз!
Интервьюнинг тўлиқ шакли билан ҚКнинг сайтида тинишишингиз мумкин.
- Маъмурий офис: Тошкент ш., Афросиёб кўчаси, 4Б-уй, 303-офис.
- Шошилинч телефон рақами: 8 (371) 256-95-09
- ariston-utg.uz
Изоҳ (0)