Gvineyada Ebola epidemiyasi bilan kasallangani taxmin qilingan bemorlarning qon namunalari avtomobildan o‘g‘rilab ketildi, deb xabar bermoqda Associated Press.
O‘g‘rilik namunalar Kankan prefekturasidan maxsus laboratoriya joylashgan mamlakat janubidagi Gekedu shahriga olib ketilayotgan vaqtda sodir etilgan.
Mototsiklda kelgan uch nafar jinoyatchi taksi yo‘lini to‘sgan. Avtomobil ichidagi to‘qqiz kishi orasida namunalarni maxsus muzlatgich-sumkada olib ketayotgan Qizil xoch jamiyati kuryeri ham bo‘lgan. Jinoyatchilar hammani avtomobildan tushishga majburlagan va ularning mobil telefonlari, taqinchoqlari va namunalar solingan sumkani olib ketgan.
Izoh (0)