Ishxonada Facebook’dan foydalanish uchun “Ishda Facebook” xizmati yaratilishi mumkin

Nomi oshkor qilinmagan manbalarning ma’lumotiga ko‘ra Facebook ijtimoiy tarmog‘i Facebook at Work — “Ishda Facebook” loyihasi ustida ishlamoqda. Bu haqda Mashable’ga asoslanib “Parol” nashri xabar berdi.

Hozirda ko‘pchilik shundoq ham ishxonada Facebook ijtimoiy tarmog‘idan foydalanadi. Ammo Facebook’ning yangi loyihasida alohida platforma tashkil qilinadi va foydalanuvchilar o‘zlarining ijtimoiy tarmoqdagi ma’lumotlarini sir saqlagan holda undan foydalanishlari mumkin bo‘ladi. Bunda xabar almashish, guruhlar, yangiliklar lentasi ijtimoiy tarmoqdagi kabi bo‘ladi. Shu bilan birga bo‘lishilgan ma’lumotlarni jamoa bo‘lib tahrirlash uchun maxsus sozlamalar joriy qilinadi.

Hozircha Facebook ushbu mish-mishni tasdiqlamagan va “Ishda Facebook” loyihasi qanday ishlashi hamda u qachon taqdim etilishi haqida ma’lumotlar ham berilmagan.

Shuningdek, “Parol” nashrida quyidagi maqolalarni ham o‘qishingiz mumkin:

• 2014-yilning texnologiyaga oid eng yaxshi selfi suratlari;
• Microsoft o‘z ichida 482 kilometr yo‘lni tasvirlagan yangi reklama roligini taqdim etdi;
• Ovozini o‘chirish uchun matematik misollarni yechish zarur bo‘lgan budilnik dasturi taqdim etildi.