Ишхонада Facebook’дан фойдаланиш учун «Ишда Facebook» хизмати яратилиши мумкин

Номи ошкор қилинмаган манбаларнинг маълумотига кўра Facebook ижтимоий тармоғи Facebook at Work — «Ишда Facebook» лойиҳаси устида ишламоқда. Бу ҳақда Mashable’га асосланиб «Пароль» нашри хабар берди.

Ҳозирда кўпчилик шундоқ ҳам ишхонада Facebook ижтимоий тармоғидан фойдаланади. Аммо Facebook’нинг янги лойиҳасида алоҳида платформа ташкил қилинади ва фойдаланувчилар ўзларининг ижтимоий тармоқдаги маълумотларини сир сақлаган ҳолда ундан фойдаланишлари мумкин бўлади. Бунда хабар алмашиш, гуруҳлар, янгиликлар лентаси ижтимоий тармоқдаги каби бўлади. Шу билан бирга бўлишилган маълумотларни жамоа бўлиб таҳрирлаш учун махсус созламалар жорий қилинади.

Ҳозирча Facebook ушбу миш-мишни тасдиқламаган ва «Ишда Facebook» лойиҳаси қандай ишлаши ҳамда у қачон тақдим этилиши ҳақида маълумотлар ҳам берилмаган.

Шунингдек, «Пароль» нашрида қуйидаги мақолаларни ҳам ўқишингиз мумкин:

• 2014 йилнинг технологияга оид энг яхши селфи суратлари;
• Microsoft ўз ичида 482 километр йўлни тасвирлаган янги реклама ролигини тақдим этди;
• Овозини ўчириш учун математик мисолларни ечиш зарур бўлган будилник дастури тақдим этилди.