Krishtianu Ronaldu eng ko‘p daromad oladigan futbolchi deb topildi

AQShning iqtisodiy ko‘rsatkichlarga ixtisoslashgan mashhur “Forbes” jurnali dunyoning eng ko‘p daromad topuvchi futbolchilari nomini e’lon qildi, deb xabar bermoqda Uff.uz.

Reytingga ko‘ra, “Real” klubi va Portugaliya terma jamoasi futbolchisi Krishtianu Ronaldu yiliga 80 million dollar daromad bilan birinchi o‘rinni egallagan.

Bu borada ikkinchi o‘rin “Barselona” futbolchisi Lionel Messiga nasib etdi.

Eng ko‘p daromad topuvchi futbolchilarning kuchli o‘nligi:

1. Krishtianu Ronaldu (“Real”) — 80 million dollar (52 mln — maosh, 28 mln — reklamadan)
2. Lionel Messi (“Barselona”) — 64,7 (41,7 + 23) million
3. Zlatan Ibrohimovich (“PSJ”) — 40,4 (36,4 + 4) million
4. Garet Beyl (“Real”) — 36,4 (25,4 + 11) million
5. Radamel Falkao (“Manchester Yunayted”) — 35,4 (32,4 + 3) million
6. Neymar (“Barselona”) — 33,6 (17,6 + 16) million
7. Ueyn Runi (“Manchester Yunayted”) — 23,4 (18,4 + 5) million
8. Serxio Aguero (“Manchester Siti”) — 23,3 (18,3 + 5) million
9. Yahyo Ture (“Manchester Siti”) — 21,7 (19,2 + 2,5) million
10. Fernando Torres (“Milan” / “Chelsi”) — 21,3 (17,8 + 3,5) million.