Amerikalik golfchi ayol Deniel Kang sakkiz kun ichida ketma-ket ikki marta hole-in-one (birinchi zarbadayoq chuqurchaga kiritish) bo‘yicha musobaqada g‘alaba qozonib, avtomobillar yutib oldi. Bu haqda Segodnya.ua xabar berdi.
Birinchi mashinani Kang o‘tgan hafta so‘ngida Xitoydagi Blue Bay LPGA Tournament musobaqasida to‘pni 150 metrdan turib chuqurchaga tushirishga muvaffaq bo‘lgani tufayli qo‘lga kiritdi. Ikkinchi avtomobil esa Tayvandagi LPGA Taiwan Championship musobaqasida 153 metr masofadan chuqurchani mo‘ljalga olgani sababli mukofot sifatida berildi.
Ta’kidlash joiz, amerikalik golfchi qiz o‘z karyerasi davomida professional turnirlarda g‘alaba qozonmagan. 22 yoshli sportchi dunyo reytingida 104-pog‘onani egallab turibdi.
Izoh (0)