O‘zbekistonning birinchi raqamli tennischisi Denis Istomin Shveysariyada bo‘lib o‘tayotgan Swiss Indoors Basel tennis musobaqasining ikkinchi davrasiga chiqishga muvaffaq bo‘ldi. Bu haqda UzDaily xabar berdi.
Musobaqaning birinchi davrasida Denis Istomin dunyoning 36-raketkasi — 23 yoshli polshalik Eji Yanovichni 6/1, 6/1 hisobida mag‘lubiyatga uchratdi.
Swiss Indoors Basel’ning ikkinchi davrasi uchrashuvida Istomin shveysariyalik Rojer Federer yoki lyuksemburglik Jil Myuller bilan bahslashadi.
Izoh (0)