O‘zbekistonda Sony Xperia Z3 smartfonining ikki SIM-kartali turi sotila boshlandi

Toshkent shahridagi “Fleshka” savdo majmuasida yangi ikki SIM-kartali Sony Xperia Z3 smartfoni 2 560 000 so‘mdan sotila boshlandi. Bu haqda Mobinfo.uz ma’lumotiga asoslanib “Parol” nashri xabar berdi.

Ushbu smartfonda 5,2 dyuym 1080×1920 pikselli displey, 3 Gb tezkor va 16 Gb ichki xotira, 2,5 GGs chastotaga ega to‘rt yadroli protsessor, 3100 mA·soat quvvatga ega batareya, 20,7 megapikseli kamera, Android 4.4 KitKat operatsion tizimi o‘rnatilgan.

Uning kamerasida 4K videolarni tasvirga olsa bo‘ladi. U ham chang va suvga chidamlilik sertifikatiga ega. Uni 1,5 metr suv ostida 30 daqiqa ushlab turish mumkin. Uning qalinligi 7,3 millimetrni, og‘irligi esa 152 grammni tashkil etadi. Ushbu smartfin LTE (4G) modulida ishlay oladi.

Eslatib o‘tamiz, 2-noyabr holatiga ko‘ra, “Fleshka” savdo majmuasida bitta SIM-kartali Xperia Z3 smartfoni 2,4 million so‘mdan, Xperia Z3 Compact smartfoni esa 1,7 million so‘mdan sotilmoqda.

Shuningdek, “Parol” nashrida quyidagi xabarlarni o‘qishingiz mumkin:

• Sony Xperia Z3 Tablet Compact plansheti taqdim etildi;
• Smartfon kamerasi yordamida olingan o‘nta eng yaxshi surat (03.11.2014);
• Samsung Galaxy S4 smartfonining Exynos protsessori o‘rnatilgan turiga Android Lollipop o‘rnatish mumkin bo‘ladi.