Toshkentdagi chorrahalarda qizil chiroqda to‘xtamagan avtomobillarni aniqlovchi Trigger System lazeri ishlaydi

Toshkentdagi videokuzatuv kameralari avtomobil tezligini aniqlash (avto-radar), avtomobilning raqam belgisini tanib olish hamda svetoforning qizil chirog‘i yongan paytda avtomobilning to‘xtamay o‘tib ketishini aniqlash kabi uchta asosiy funksiyani bajaradi. Bu haqda RedPen xabar berdi.

Shuningdek, chorrahalarga Trigger System o‘rnatiladi. U maxsus lazer bo‘lib, svetoforning qizil chirog‘ida avtomobil to‘xtash chizig‘ini kesib o‘tsa, kameraga bu haqda xabar jo‘natadi. Kamera esa avtomobilni suratga oladi, so‘ngra haydovchiga qoidabuzarlik uchun jarima solinadi.

Buning uchun kamerali chorrahalarning barchasiga O‘zbekistonda ushbu tizimni joriy qilayotgan Shveysariyaning AGT International kompaniyasidan sotib olingan svetoforlar o‘rnatilishi kerak. Svetoforlar ham tizimga ulanadi.