Toshkent shahar hokimligi Axborot xizmati rahbari Husan Ermatov jurnalistlardan faqat press-relizlarga asoslanib qolmaslikni so‘radi, deb xabar bermoqda “Kun”.
“Biz, shahar hokimligi Axborot xizmati, matbuot anjumanlarida ortiq press-reliz tarqatmaslikni o‘ylab turibmiz”, – dedi Husan Ermatov 10-oktabr kuni bo‘lib o‘tgan matbuot anjumanida.
“Masala shundaki, Milliy matbuot markazida o‘tkazilgan bir qator tadbirlarimizdan so‘ng, deyarli barcha nashrlarda [shahar hokimligi Axborot xizmati tomonidan tarqatilgan press-relizlarga asoslanib] bir xil gap-so‘zlar yozildi. Vaholanki, biz har bir nashr o‘z yo‘nalishi, ixtisosligidan kelib chiqib, tadbirlarni kengroq yoritishlarini juda ham istardik”, – dedi Toshkent shahar Axborot xizmati rahbari Husan Ermatov.
Eslatib o‘tamiz, avvalroq Toshkent hokimligi noyabrdan bir oyga rejalashtirilgan poytaxt ko‘chalaridagi qurilish va ta’mirlash ishlari ro‘yxatini e’lon qila boshlashini ma’lum qilgan edi.
Izoh (0)