Falastinning G‘azo sektorini qayta tiklash uchun 4,3 milliard yevro to‘plandi. Bu haqda, Norvegiya tashqi ishlar vaziri Berg Brendga asoslanib, Reuters axborot agentligi ma’lum qildi, deb xabar bermoqda Kun.uz.
12 oktabr kuni Misr poytaxti Qohirada 2014-yil yozida Isroil bilan davom etgan yetti haftalik qurolli nizodan zarar ko‘rgan G‘azo sektoriga yordam yig‘ish bo‘yicha donor-mamlakatlar konferensiyasi bo‘lib o‘tdi.
“Konferensiya ishtirokchilari 4,3 milliard yevro ajratish majburiyatini oldi. Ushbu mablag‘ning yarmi G‘azoni qayta tiklash uchun, qolgani esa Falastin xalqining kundalik ehtiyojlari uchun ishlatiladi”, – dedi Brend.
Ma’lumot uchun, ushbu konferensiya Norvegiya va Misr tashabbusi bilan tashkil etilgan. Avvalroq, G‘azoni qayta tiklash ishlari uchun Yevropa Ittifoqi 450 million yevro, Qatar 1 milliard, AQSh 212 million, Quvayt 200 million, Buyuk Britaniya 63 va Fransiya 32 million dollar ajratishi haqida xabar berilgan edi.
Izoh (0)