6—7-oktabr kunlari Ukraina Germaniyadan 18 million yevroga teng gumanitar yordam yuklangan 100 ta avtomobilni qabul qilib oladi. Bu haqda Ukraina Davlat fiskal xizmati raisi o‘rinbosari Anatoliy Makarenko bayonotiga tayanib “Yevropeyskaya pravda” nashri xabar berdi.
“Biz 6—7-oktabr kunlari Germaniyadan gumanitar yordam konvoyini kutib olishga tayyorlanmoqdamiz. Qurilish materiallari va generator stansiyalari keltirilishi kutilmoqda”, — dedi Makarenko matbuot anjumanida.
Idora rahbari o‘rinbosari “bu qayoqdagi 600 ming kilogramm choy emas, haqiqiy gumanitar yordam” ekanligi va uni qabul qilishga shayliklarini qo‘shimcha qildi.
Izoh (0)